عارف يعنى أيه بحبك؟

من طرف **زينة الحياة** السبت مارس 12, 2011 6:39 am

عارف يعني أيه بحبك؟

يعنى قلبى فحضن قلبك

يعنى روحى رايحة ليك

ونفسى دايما أبقى جنبك

تعرف بحبك يعني أيه؟

حبيبى لو قالها بعينيه

أو حسيتها فلمس أيديه

أو دوبنى فشوق لياليه

ان غاب عنى هنادى عليه

أقوله تعالى وقرب منى

أنا حسيت الجنة فقربك

كلمة بحبك معناها أنت عارفه؟

ان حبيبك مهما يغيب فى زحام الدنيا بقلبك شايفه

ان الثانية تمر سنين وأنت بعيد عن حضن شفايفه

هقولك أيه ولا أعيد أيه أكيد معناها بقلبك حسه

طب لو قلنا انت حبيبى؟

يعنى غرامك هو نصيبى

يعنى بلاقى فى حضن هواك

جنة حبى ونار تعذيبى

يعنى أتمنى الدنيا بحالها تبعد عنى ولا ابعد عنك

وكمان معنى أنى حبيبتك؟

يعنى فحلمك أبقى أميرتك

وبأشواقى لوحدى أسيرتك

ان غبت أيام أو حتى سنين

أفضل على عهدى وأحفظ غيبتك

وان حس القلب بشوق وحنين

أنام وعيونى بتحضن صورتك

طب يعني ايه بنحب بعض؟

يعنى أحنا فى بينا وعد

لانخون بعض ولانبيع بعض

ومهما الدنيا تفرق بينا هنحافظ دايما عالعهد

وايه معناها أحنا حبايب؟

يعنى فليل الشوق والعشق

قلبى وقلبك بيكون دايب

يعنى فى وسط الناس والدنيا بحبى وحبك راح نتعاجب

يعنى فبعدى بتبقى حزين

وأنا فبعادك أحساسى غايب

عرفت خلاص ولا أقول تانى؟

أنى عشانك وانت عشانى

وان الحب اللى شاغل قلبك

حب لقلبى وشوق لحنانى

وان اللهفة بتملا عيونى

لما تغيب لو حتى ثوانى

فهمت خلاص ولا أوضحلك؟

يا حبيبى انا قلبى مصرحلك

أنك تملك كل ما فيا

من أول دقة فقلبى000ولآخر لمسة فى أيديا

من طرف **ماسة** الإثنين مارس 14, 2011 3:22 am

ان حبيبك مهما يغيب فى زحام الدنيا بقلبك شايفه

ان الثانية تمر سنين وأنت بعيد عن حضن شفايفه

هقولك أيه ولا أعيد أيه أكيد معناها بقلبك حسه

جميله جدا تلك الكلمات
الله عليكي يا زينه

عارف يعنى أيه بحبك؟ 752389