ألبـي في خطـر ...

من طرف **زينة الحياة** الخميس مارس 31, 2011 3:04 pm

آلو البعيد عالقلب

هوّا البعيد عالعين

أنا ألت ألبى ف خطر

تايه مابين امرين

إن كان فى بعدك نار

فالقرب ليكى نارين

لازمله حبة مطر

تجلى سمار العين

وتتضحلو الصور

ويكون قراره مكين

أفضل يعيش فى الهجر

ولا انه يبقى سجين

يفيد بأيه النفس

ونفسه منّه انكرش

والورد عالصفين

عصفور ونام ف القفص

ألبه نشف م العطش

محبوس بقالو سنين

هرب..لكنّو انكمش

م البرد جسمو ارتعش

محتاج كمان بطاطين

والبه منو اتخدش

وتلزمه حاجتين

عاوز يحس بدفا

وتحققولو امان

وتحرروا فلسطين

ساعتها يرجع يغنى

ويجف دمع العين